Davide: Mokwestiyon sa  ordinansa adto moduso  og reklamo sa korte

CEBU, Philippines — Si Bise Gobernador Hilario Davide III nagkanayon nga kon adunay mokwestiyon sa ordinansa nga gipasar sa hunta probinsiyal kalabot sa pagsul-ob og face mask labing maayo nga adto kini moduso og reklamo sa korte.

Si Davide maoy ni-preside atol sa special session nga gihimo sa provincial board niadtong Hunyo 14, 2022 diin gipasar sa third ug final reading ang ordinansahon nga naghimo nga optional na lang ang pagsul-ob og face mask sa well-ventilated areas o open spaces apan required gihapon sa close areas o air-conditioned areas.

Matid ni Davide adunay basehan si Gobernador Gwendolyn Garcia ug ang provincial board sa pagpasar sa maong balaod.

“Kong buot kwestiyonon na sa IATF adto sila sa korte to question the validity of the ordinance”, matud ni

Davide.  Sayo pa, si Davide nagkanayon nga mosuporta siya sa administrasyon ni Garcia bisan og dili sila susama og partido.

Alang kang Davide nga “local autonomy” ra usab ang gipatuman karon sa probinsiya ug gipasar nila nga ordinansa nga mo cover lang sa Probinsiya sa Sugbo.

“Ang akong position ana is it’s already an ordinance, it’s a law so I think, mao gyud na ang mo prevail that’s my position. And besides this is an exercise of the provincial government’s autonomy, local autonomy, naa man gyud na sa local government code”, matud ni Davide.

Samtang ang Philippine Councilor’s League Cebu Provincial Federation nipadangat usab og suporta sa EO No. 16 ni Garcia.

“A careful reading of the ordinance will tell us that the measure is not an abolition but rather it provides an

option for individuals in Cebu Province with certain conditions”, tipik sa board resolution sa Cebu Provincial Federation nga adunay petsa nga Hunyo 15, 2022.

Bisan ang League of Municipalities of the Philippines (LMP)-Cebu Chapter nipagawas usab og resolution pagsuporta sa EO 16 ni Garcia. (BANAT NEWS)