135 ka outstanding Liloanons gihatagan og pasidungog
CEBU, Philippines — Moabot sa 135 ka mga Liloanon kon diin 63 niini ang scholars ang gihatagan og pasidungog sa lokal nga kagamhanan sa lungsod sa Liloan.
Atol sa taxpayers and outstanding Liloanons Night niadtong May 28, 2022 gihatagan og certificate of recognition ang mga honorees nga naglakip sa mga lisensyadong doctor, abogado, engineers, magtutudlo, physical therapist, dentists, criminologist ug uban pa.
Nipadayag og kalipay niini si Mayor Christina Garcia Frasco nga nagkanayon nga ang edukasyon mao gyud ang usa sa ilang hatagan og prayoridad sa mga programa.
“And that is why every year we sought to ensure that our funding for education has grown immensely” matud ni Frasco.
Matud sa Mayor nga moabot na sa 7, 500 ang scholars sa Liloan nga gihulagway nga usa sa pinakadako nga scholarship program lukop nasud.
“Gani nalipay kaayo ko kay ubay-ubay sa atong mga board and bar passers and students that have passed with honors are also scholars of the Municipality of Liloan” sumala ni Frasco.
Si Frasco mitug-an nga moabot na sab og P60 milyones ang pondo alang sa scholarship program sa kabatan onan sa Liloan. (BANAT NEWS)
- Latest
