Balaodnon pagprotekta sa LGBTQI ipaubos sa public hearing

CEBU, Philippines — Niuyon ang Committee on Laws, Ordinances, and Styling sa Cebu City Council sa  pagpalabang sa gisugyot nga comprehensive anti-discriminatory ordinance alang sa mga tawo nga lainlain ang sexual orientation, gender identity, ug gender expression sa siyudad.

Ang maong ordinansahon naglangkub sa mga kaso batok sa pagbuhat og diskriminasyon sa sexual orientation.

Si si Konsehal Joel Garganera, Alvin Dizon ug Jessica Resch ang nagpaluyo sa maong ordinansahon.

Nahisgotan sa committee report nga ang stigma ug diskriminasyon batok sa mga sakop sa LGBTQI  sa komunidad nagpadayon gihapon kini.

Giingong dako og matabang ang gisugyot nga ordinansa ubos sa General Welfare Clause nga nalatid sa Local Government Code.

Giila sa Siyudad ang daghang contribution sa LGBTQI community sa kultura sa Sugbo ug uban pa nga mga aspeto hinungdan nga angayan kini nga panalipdan gikan sa nagkalain-laing matang sa diskriminasyon.

Sa pagkonsiderar sa ordinansahon naghatag og penal nga mga probisyon ang komitiba diin girekomendar nga ipailawom kini sa public hearing sa dili pa ang ikaduhang pagbasa subay sa house rules sa Sanggunian.           

Ang public hearing maghatag og higayon sa pagpaminaw sa panahom sa pipila ka stakeholders.

Pipila sa mga grupo sa LGBTQI ang nagpasalamat sa kagamhanan alang sa maayong pagtratar niini ngadto kanila.

Gani ubay-ubay na ang mga programa nga gihimo sa siyudad alang sa LGBTQI. BDB (BANATNEWS)