Kasaulogan sa 500 Years of Christianity sa nasud tak-opan karong Domingo
CEBU, Philippines — Ang kalihokan sa 500 Years of Christianity sa nasud tak-opan na karong Domingo pinaagi sa Santos nga Misa ug prosisyon.
Ang maong kalihokan sa pagtak-op gisugdan kini sa usa ka kalihokan sa 2nd National Mission niadtong Abril 17 ug matapos kini sa 24, 2022 pinaagi sa closing mass ug mission sending sa alas 11:00 sa buntag diha sa Cebu Metropolitan Cathedral nga pangulohan sa presidente sa Catholic Bishops Conference of the Philippines (CBCP) ug Bishop of Kalookan Pablo Virgilio David.
Sa Abril 24, 2022 sa alas 4:00 sa hapon ipahigayon usab ang grand procession aron sa pag-culminate sa usa ka tuig nga selebrasyon sa quincentennial sa pag-abot sa Kristiyanismo.
Matud ni Cebu Archbishop Jose Palma nga nagpadayon pa karon ang mission congress nga makita ug mapaminawan diha sa social media posts.
Ug sa maong congress makasinati og makadungong sa lain-lain nga sharing nga makapuno sa mga pagtulon-an.
Si Palma nidasig sa katawhan nga moapil sa mga nagkadaiyang kalihokan subay sa pagtak-op sa 500YOC. —BDB (BANATNEWS)
- Latest
