Sotto gustong masalbar ang Sim Card Registration Bill

CEBU, Philippines — Si Senate President Vicente “Tito” Sotto III nagkanayon nga nangita siya og pamaagi aron masalbar ang sim card registration bill nga gi-veto ni Presidente Rodrigo Duterte.

Niadtong tuig 1998 dihang nahimong chairman sa committee on public service sa Senado si Sotto nangusog siya sa sim Card registration ug ang National Telecommunications Commission (NTC) nipagawas og direktiba sa telcos nga ang prepaid sim card angayan nga irehistro.

Apan nidangop sila sa Korte Susprema ug nipagawas kini og temporary restraining order (TRO) sa maong direktiba ug nalibkas kini niadtong tuig 2010 ug gi-re-file kini ni Sotto ug karon lang napasar.

Matud ni Sotto nga ang Sim Card Registration Bill dako og tabang aron mapugngan ang insidente sa pagpamomba, scams blackmails ug uban pa gamit ang prepaid sim cards.

Si Sotto nagkanayon nga kadaghan sa mga pagpamomba nga nahitabo dili lang sa Pilipinas apan lukop kalibutan giingong ang gigamit nga triggering ang cellphone nga adunay prepaid sim cards nga dili ma-trace.

Nasayran nga gi-veto ni Duterte ang maong bill tungod kay aduna kini wala mauyoni sa pipila ka provisions niini.

“I think the veto of the president is the inclusion of a provision regarding the internet, social media, I think it’s a matter of how it was explained eh, when it was included in the period of amendments so now that well it’s water under the bridge na venito ng Presidente”,matud ni Sotto.

Matud usab ni Sotto nga adunay duha ka pamaagi aron maluwas ug dili mausik ang maong balaodnon una mao nga ang mga bag-ong senador ug congressman sa umaabot nga 19th Congress mo-re-file niini ug wagtangon ang provisions nga wala mauyoni sa presidente.

Ikaduhang pamaagi nga gitan-aw niini mao nga makig-estorya kang Executive Secretary Salvador Medialdea. BDB (BANATNEWS)