Shipping companies nireklamo nga wala pa sila ma-full capacity

CEBU, Philippines — Gipahibawo ni Cebu City Councilor Joel Garganera, pangulo sa Emergency Operations Center Cebu City nga magpadala siya og suwat ngadto sa Maritime Industry Authority (MARINA) aron tugotan ang mga barko nga mosulod ug gawas sa Cebu City nga mahimong 100 percent ang ilahang capacity.

Kini human nga nakadawat siya og reklamo gikan sa shipping companies nga dili gihapon sila 100 percent capacity unya ang airlines full capacity na.

“Shipping lines are complaining how come they are not in full capacity nga gani how come ang airlines they are in full capacity to think enclosed pa gyud unya gamay pa gyud, unya matud pa sa shipping lines is kaning they are reasonably distance kay kani kuno ilang mga higdaanan dunay divider and to think more than 60 or 70 percent are open air, ventilated man na”, matud ni Garganera.

Si Garganera nagkanayon nga nakighinabi siya ni Retired General Mel Feliciano, Inter-Agency Task Force Visayas Chief Implementer ug iyang gipaabot ang maong concern.

“Right now I am writing a letter to MARINA nga all routes apil ang Cebu City nga tanang routes nila regardless og outgoing or incoming pwede na i-hundred percent as long as of course og katong mga enclosed nga airconditioned naa sila’y hepa filter or naa sila’y ventilation”, ni Garganera pa.

Nasayran nga sa pagkakaron anaa pa sa 70 persyento ang capacity sa mga barko ug gihulagway ni Garganera nga dugay na nga nag-antos ang shipping lines sa epekto sa COVID-19 pandemic. —BDB (BANATNEWS)