CAD nilusad sa food production program sa mga eskwelahan
CEBU, Philippines — Gilusad sa Cebu City Agriculture Department (CAD) ang mga programa sa nagkadaiyang eskwelahan kabahin sa ilang food production program.
Nihatag og lapad nga kooperasyon ang CAD sa programa sa Department of Education nga “Gulayan sa Paaralan” pinaagi sa paghatag og mga gamit o supply ug technical assistance. Sa niaging adlaw usa sa ilang giabagan mao ang Sudlon II Integrated School.
Tumong niini nga masiguro ang seguridad sa pagkaon ug mapakita nga produktibo ang luna sa eskwelahan.
Ang mga eskwelahan kinsa gustong moapil as programa kabahin as Gulayan sa Paaralan makig-coordinate lang kini sa buhatan sa CAD.
Niining ulahi lang, gikampaniya og maayo ang urban gardening ug gani giabot na ngadto sa kabaranggayan ang maong klase nga programa.
Matud sa CAD nga gamit kaayo ang pagpananom sa mga tugkaran aron adunay maka-standby nga pagkaon sa panimalay.
Ang pag-ingganyo sa katawhan nga mananom diha sa ilang mga tugkaran maoy usa sa mga tumong sa maong programa.
Ug pinaagi niini adunay makuhaan og presko ug sustansiyadong pagkaon ang katawhan. BDB (BANATNEWS)
- Latest
