Mga kapitan, konsehal sa barangay gireklamo sa Ombudsman
CEBU, Philippines — Gipasakaan og kaso ngadto sa Ombudsman ang duha ka kapitan sa Dakbayan sa Lapu-Lapu sa mga nagpakabanang Oponganon.
Ang nahisgutang mga kapitan mao sila si Bankal Barangay Captain Eduardo Cuizon kinsa maoy presidente sa Association of Barangay Council (ABC) sa siyudad ug Maribago Barangay Captain Rosalino Abing.
Giingong ang reklamo batok sa mga kapitan gipasikad kini kalabot sa COVID-19 purchase.
Lakip usab sa gipasakaan og kaso ngadto sa Ombudsman ang mga konsehal sa barangay nga mga sakop sa Bids and Awards Committee nga gilangkuban nila ni Alemoden Pangatungan, Reynaldo Ompad, Anecita Paquibot, Jennes Maglasang, Eddie Daño ug Arym Fiel Abing.
Si Ruben Pangatungan maoy nipasaka og kaso ngadto sa Ombudsnan batok kang Abing.
Samtang si Celestino Pangatungan mao usab ang nipasaka og kaso ngadto sa Ombudsman batok kang Cuizon.
Ang mga konshel sa Barangay Bankal nga sakop usab sa ilang BAC nga sila si Regino Quijano, Cleopas Inot ug Crisanta Inot ang gipasakaan usab og kaso ngadto sa Ombudsman.
Ang mga nipasaka og kaso nipasangil nga nga walay bidding nga nahitabo ang natigayon nga COVID-19 related purchase ug kakapasan kini Section3 sa Akta Republika 3019 kun “Anti-Graft and Corrupt Practices Act”. —BDB (BANATNEWS)
- Latest
