DVMF midasig sa katawhan sa pagsagop og iro

CEBU, Philippines — Gipahibalo sa Department of Veterinary Medicine and Fisheries (DVMF) nga nagbaha karong panahona ang ilang mga programa alang sa pet owners.

Usa sa ilang gihingosgan karon mao ang pag-awhag sa katawhan nga mosagop og mga iro. Matud pa nga ang pagsagop og iro maoy usa sa pamaagi sa maminosan ang mga libod suroy nga iro sa kadalanan.

Suma pa sa head sa DVMF nga si Dr. Jessica Maribojoc nga duna silay mga iro nga gipang-impound ug ilaha kini nga ipasagop aron makabaton kini og pamilya.

Gani aktibo usab ang maong buhatan sa binuwan nila nga pagsalmot sa kalihokan sa pet lovers.

Ang mga iro nga ilang ipasagop pulos naka-vaccine na ug gi-check gyud ang kondisyon niini. Gani dunay mga higayon nga niumol sila og free delivery alang sa mga sagopon nga iro ug      gipaagi nila og online ang aplikasyon alang sa gusto nga mosagop.  Usa sa nag-unang kondisyon alang sa managop, kinahanglan nga hatagan nila og hustong pagpangga ang mga iro. Gawas sa pagpasagop, mopahigayon usab ang DVMF og dugang kalihokan  sa katapusang bahin karong buwana ug kini mao ang libreng  ligation ug  neutering/spaying  sa iro ug iring. Duna pud sila’y gidalit nga deworming ug vitamin supplementation alang sa mga binuhi nga hayop. MEL (BANATNEWS)