MCIA nagbutang og limitasyon sa mga dili bakunado nga foreign travelers
CEBU, Philippines — Nagbutang og limitasyon ang Mactan Cebu International Airport (MCIA) alang sa mga dili bakunado nga foreign travelers nga moabot diha sa airport.
Nasayran nga 1,000 lang ka unvaccinated foreign travelers ang gi-limit sa MCIA kini aron dili mapuno ang quarantine hotels sa Sugbo.
Si Gobernador Gwendolyn Garcia nakadawat sa maong report gikan ni Julius Neri, general manager sa Mactan Cebu International Airport Authority.
“They put that cap kay ang ato lage hotel rooms. Kay five day quarantine gud so for 1,000 you need 5,000 rooms for five days, so they put that cap”, matud ni Garcia.
Nasayran nga diyotay na kaayo ang walay bakuna usahay adunay moabot nga 100 kabuok. Sayo pa, si Garcia niluwat og executive order kabahin sa pagdawat og foreign travelers ubos sa pipila ka kondisyon.
Lakip na niini ang pagpaubos sa RT-PCR test inig abot sa airport, ikwarantina og lima ka adlaw hangtud nga mogawas na ang resulta sa swab test.
Gidasig usab ang mga dili bakunado nga langyaw nga magpabakuna batok COVID-19. BDB (BANATNEWS)
- Latest
