Way TPUJ phase out, apan daghan di makapasar

CEBU, Philippines — Walay mahitabong phase out sa mga tradisyonal nga jeep pasaheroan, apan daghan kanila ang dili na unya makapasar tungod kay karaan, kagang-kagang ug nagmugna na og polusyon.

Kini samtang gipahibalo kagahapon ang umaabot nga pagdagan sa dugang 12 ka mga modernized jeepneys human sa pagpirma sa memorandum of agreement tali sa Land Bank of the Philippines ug Cebu Provincial Operators Transport Cooperative alang sa maong proyekto.

Maong mga pasaheroan gikatakdang modagan sa sunod buwan sumala pa ni Barili  Mayor Julie Flores kinsa maoy founder sa Cebu Provincial Operators Transport Cooperative. Tungod sa transport modernization nga gitinguha sa gobiyerno nangita sila’g pamaagi aron mahatagan og nindot, hamugaway ug limpyo nga transportasyon ang mga sumasakay.

Sumala pa ni Flores, nga 12 lang usa ang ilahang unang padaganon apan aduna pay umaabot nga MPUJs.

Si Dax Albarece, ang Assistant Vice President sa Fast Autoworld Philippines Corporation, nitug-an dul-an sa P3 milyones matag usa ang MPUJ.

Si Allan Bisnar, ang Vice President sa Cebu Lending Center Head sa Land Bank of the Philippines, nitug-an nga ilaha nang gi aporobahan ang loan sa cooperative sa nilabay nga tuig, apan nalangay kini tungod kay adunay mga kausaban sa mga gusto nga PUV nga padaganon sa Sugbo.

Ang pangulo sa LTFRB-7 Eduardo Montealto Jr.,miingon nga pasado sa Philippine national standard ug accredited usab kini sa DOTR ang naghimo sa maong sakyanan.

Sa pagkakaron duna nay 909 ka MPUJs ang nagdagan ug kasagaran naa sa Cebu. Karong buwana duna say 20 ka MPUJs ang modagan.

Sa Marso 31, 2022 wala na unyay mga karaang PUJs nga makapamasahero.

 “Walay phase out sa mga traditional jeepneys but we are to modernized our jeepneys by using Euro 4 engine brand ug ang body sa jeepneys must passed the designed crafted by DOST. Unya kaning nga old jeepneys, dili gyud ni sila makapasar,” pagpasabot pang Montealto.— Mitchelle Palaubsanon The Freeman/IBM (BANATNEWS)