P9 milyones ang magasto sa pagpaayo sa Talisay City Hall
CEBU, Philippines — Sama sa kabalayan nga naguba sa bagyong Odette sa milabay nga buwan, wa sab makalikay ang City Hall sa dakbayan sa Talisay sa pagkaguba sa pipila ka dapat niini.
Si City Engineer Arnel Bacalso nagkanayon nga ila nang gisusi ang mga nangaguba ug nasuta nga apil sa nakaangkon og kadaut mao ang mga glass window, ceiling, roofing ug mga accessories.
Gani iyang nakita nga sa pag repair sa retrofitting lang mogasto na og maximum amount nga P9 milyones ka pesos.
Gihulagway ni Bacalso nga major repair ang ilang pagabuhaton gumikan sab sa gidugayon na sa building sa City Hall.
Si Edgar Mabunay, budget officer sa siyudad nitataw nga insured sa GSIS ang City Hall apan siya nagduda nga gamay ra ang ilang madawat alang sa pagpaayo sa nangaguba tungod kay dili man totally damaged o hingpit nga naguba ang City Hall Building. MEL (BANATNEWS)
- Latest
