Dugang contact tracers gi-hire sa Naga

CEBU, Philippines — Tungod sa pagsaka sa mga kaso sa Dakbayan sa Naga, mikuha og dugang mga contact tracers ang siyudad aron mapaspasan ang pagsubay sa mga tawong na-expose sa mga napositibo sa maong sakit.

Ang siyudad mikuha og dugang 15 ka mga contact tracers kinsa mi courtesy call sa buhatan ni mayor Kristine Vannesa Chiong.

Kining gikuhang bag-ong contact tracing teams dili na bag-o sa trabaho tungod kay sila ra sab ang grupo nga nitabang sa Naga sa pag-ila sa mga nagpositibo sa virus niadtong miaging tuig.

Gi- hire sila sa Department of Interior and Local Government (DILG) sukad niadtong 2020 apan na expire sa tuig 2021.

Karon nga nisaka ang kaso sa Naga wa na magduha-duha si Chiong sa pagkuha kanila og balik diin ang siyudad na ang mosweldo kanila.

Matud pa ni Chiong nga dako og papel ang grupo sa pagpugong sa pagkatap pa og maayo sa maong sakit diha sa komunidad.— IBM (BANATNEWS)