Lalaki nasakmitang og drugas, armas atol sa checkpoint

MANILA, Philippines — Dul-an sa P400 mil nga kantidad sa shabu nga nasakmit gikan sa usa ka tawo kinsa niagi sa checkpoint diha sa Barangay Lagtang, Dakbayan sa Talisay sa niaging adlaw.

Ang suspetsado mao si Ramon Abella, 44-anyos, taga Barangay Sambag 1, Dakbayan sa Sugbo nasakmitan og shabu ug kalibre .38 nga revolver nga adunay lima ka buhing  bala.

Si Police Lieutenant Colonel Randy Caballes, hepe sa kapolisan sa siyudad nibutyag nga mao kini ang unang higayon nga sila nakadakop og tawo nga

nagdala og armas samtang nagsugod na ang Comelec gunban niadtong Enero 8 ning tuiga.

Matud ni Caballes nga ilang sutaon kong ang armas ni Abella wala ba gigamit sa pagpamusil.

Ang suspetsado napasakaan na kini og kaso sa kapolisan sa mao niyang kalapasan.

Dugang ni Caballes nga ilang gihingusgan ang ilang pagpahigayon og checkpoint diin aduna siya’y sakop nga maoy morekisa sa mga motorista nga ilang mapara. (BANAT NEWS)