P25.29 milyones takubo nasakmit
CEBU, Philippines — Gibanabanang 1,686 ka kilong bayanan sa takubo ang nasakmit sa mga otoridad diha sa lungsod sa Oslob niadtong nakalabay nga adlaw nga Biyernes.
Ang maong mga takubo gibanabanang mokantidad og P25.29 milyones sumala pa sa report sa kapolisan.
Ang takubo o gitawag sab og taklobo gikatahong nasakmit sa mga sakop sa Criminal Investigation and Detectio Group gikan sa usa ka Jagger Vitorillo, 41, diha sa Barangay Poblacion pasado alas-5 sa hapon.
Si CIDG director Maj. Gen. Albert Ignatius Ferro mibutyag nga si Vitorillo nibaligya niining maong mga bayanan sa usa ka polis nga nagpakaaron-ingnong komprador niini.
Sumala pa nga nagkasabot ang duha nga paliton niini ang 89 ka buok nga bayanan sa presyo nga P15 mil kada kilo hinungdan nga niabot og P201 mil.
“Our collaboration with the other government agencies and law enforcement units serves as our serious commitment to stop, if not, eradicate such illegal activities,” matud pa sa pamahayag nga gipagawas ni Ferro.
Gikatakdang pasakaan og kasong kalapasan sa Republic 8550 o Fisheries Code of the Philippines ang dinakpan.— IBM
- Latest