EOC nakadawat og 10 ka computers gikan sa USAID
CEBU, Philippines — Ang Cebu City Emergency Operations Center (EOC) nakadawat og hinabang gikan sa United States Agency for International Development (USAID) nga naglangkub sa 10 ka computer.
Ang pormal nga pag-turnover nahitabo kagahapon adlawa diha mismo sa buhatan sa EOC.
Matud sa hepe sa EOC Konsehal Joel Garganera nga dako og matabang ang maong mga computer sa Data Management Team sa EOC. Gikataho nga ang uban nga mga unit niini ipaambit usab sa Vaccine Operations Center.
Nailhan ang EOC gumikan sa lapad nga trabaho niini sa COVID response ug nakadawat usab kini og special citation sa Department of Health gumikan sa maayo nga performance niini.
Gani, wala kaayoy oras si Garganera sa mga politikanhong kalihokan gumikan sa ka-busy niini sa trabaho sa EOC.
Sa nangaging interview gitataw ni Garganera nga nananghid na siya daan sa pangulo sa Partido Barug nga si Mayor Michael Rama nga dili kaayo siya katambong sa ilang mga kalihokan sa partido tungod kay hatagan niya og igong oras ang iyang trabaho.
Nagpapili og balik si Garganera sa pagka-konsehal sa Cebu City North District.(BANAT NEWS)
- Latest
