MGA tinun-an sa talisay city college gibakunahan
CEBU, Philippines — Mga tinun-an sa Talisay City College (TCC) ang nakadawat og bakuna batok sa COVID-19 kagahapon.
Kini nonot sa tinguha sa kadagkuan nga mahibalik na ang face to face nga klase sa ilang tunghaan. Gipasabot ni Dr. Richel Bacaltos, presidenti sa TCC nga sa singko mil nila ka tinun-an naa lang sa 33 porsyento ang nabakunahan batok sa makamatay nga virus.
Usa sa rekisitos nga mabutang sa face to face ang klase mao ang gidaghanon sa mga tinun-an nga bakunado aron malikay sa sakit.
Si mayor Gerald Anthony “Samsam” Gullas nalipay sa kalambuan nga daghan sa mga tinun-an ang nipahimulos sa higayon sa pagpabakuna.
Matud pa niya nga simple, luwas ug epektibo ang pagbakuna sa pagprotektar sa katawhan gikan sa virus.
Kahinumduman si Mayor Gullas nataptan kaniadto sa COVID-19 hangtud nga siya nagpabakuna ug maayo na ang kahimtang sa panglawas. (BANAT NEWS)
- Latest
