Kapolisan nangandam nonot sa dagkung kalihukan sa siyudad

CEBU, Philippines — Subay sa nagsingabot nga mga holidays ug dagko nga kalihukan sa Dakbayan sa Sugbo, ang kapulisan nipahugot karon sa ilang target hardening, ngadto sa mga mohimo ug salaod.

Kini ang gitug-an ni Police Lieutenant Colonel Wilbert Parilla, Deputy Director for Operations sa Cebu City Police Office nga nahinabi sa mga tigbalita.

Lakip sa ilang gihimo mao ang close monitoring sa tanang mga entry points sa siyudad ug ilabi na usab sa mga barko.

Sumala pa ni Parilla, kabahin sa ilang target hardening mao ang pagmonitor sa mga kriminal ilabi na ang mga mangunguot nga modayo hinoon aduna na silay nailhan nga mga lider sa grupo.

Maoy tinguha sa kapulisan nga dili mahatagan og higayon nga makahimo og krimen ang mga mangunguot ug tulisan ilabi na sa panahon nga adunay mga dagko nga kalihukan.

Gitug-an ni Parilla, bisan gipaluagan na ang restrictions nagpabilin gihapon nilang namintinar nga ubos ang kaso sa mga crime incident sa siyudad. —MEL (BANATNEWS)