Walay tukorong Devotee City sa 2022—Zafra

CEBU, Philippines — Sa ikaduhang higayon wala gihapoy tukoron nga Devotee City alang a umaabot nga Pista Senior karong 2022.

Kini maoy gibutyag kagahapon ni Konsehal Philip Zafra, chairman sa committee on peace and order sa konseho sa Siyudad sa Sugbo. Matud ni Zafra nga gisiguro lang sa kagamhanan sa siyudad ang kaluwasan sa katawhan gumikan kay nagpabilin pa gihapon ang hulga sa COVID-19.

Ang Devotees City nagsugod kini niadtong tuig 1996 uban sa 300 ka pilgrims diha sa likod nga bahin sa Compania Maritima pipila ka lakang gikan sa Basilica Minore del Santo Niño.

Ang himuong Devotee City mao ang gi-refurbished nga container vans nga gidonar sa mga pribadong shipping company.

Matag tuig naka-accommodate kini og liboan ka mga deboto nga walay kaestaran sa Dakbayan sa Sugbo ug dili makaabot sa pagpuyo diha sa

mga pension house o hotel. ibre ang accommodation kinsa ang mga debotos kinahanglan lang nga magpakita sa ilang bus o shipping ticket aron makasulod.

Sulod sa mga nangaging katuigan gipakaon sa kagamhanan ang mga ag-estar sa Devotee City.

Naglaom si Zafra nga masabtan ra sa katawhan ang pagkanselar sa Devotee City sa 2022 tungod kay alang usab kini sa kaayohan sa tanan. Sayo pa, gikanselar na daan ang ubang rehiliyosong kalihokan sa

umaabot nga pista sama sa mga prosisyon. Sa niaging semana gianunsiyo na sa mga kadagkoan sa Basílica

Menor del Santo Niño nga ipaagi sa online ang pagpahigayon nila og novena masses. Hinuon tugotan ra nila ang pagpanagkot uban sa hugot nga pagpatuman sa health protocols. (BANAT NEWS)