Laing pansayan gihatag sa kapolisan sa barangay Tanke
MANILA, Philippines — Lain nasab nga pampublikong pansayan ang gihatag sa kapolisan sa Dakbayan sa Talisay ngadto sa mga molupyo sa Barangay Tanke.
Pinangulohan ni Police Lt. Col. Gerard Ace Pelare giturn-over ang pansayan sa taga sitio Kilawan.
Mao na kini ang ika pito nga pansayan nga nahatag sa kapulisan sa mga taga Tanke.
Kini human ilang nakita nga daghan sa mga molopyo sa lugar nga walay desente nga pansayan.
Si Pelare nitataw nga mao sab kini ang paagi nga mapaduol kanila ang katawhan ingon man sa paghatag og pagsalig kanila aron sila na sab mismo ang motabang sa pakigbatok sa ilegal nga drugas sa ilang lugar ug uban pa nga krimen.
Uban ni Pelare sa ilang mga programa ang City Advisory Council (CAC) ug Chamber of Commerce pinangulohan ni Cyril Velasco.
Nagpasalamat si mayor Gerald Anthony “Samsam” Gullas nga nagpadayon ang maong programa gumikan sa nakita nga kausaban sa lugar.
Ang imahe sa Tanke nausab human sa subsob nga operasyon, pagrehab sa mga adis-adis, pag umol sa Tanke Defenders ug paghatag og kahigayonan sa opisyales sa barangay sa ilang mga programa inubanan sa kapulisan. (BANAT NEWS)
- Latest
