Mga coconut hybrid seedling libre kini–PCA
CEBU, Philippines — Giklaro sa Philippine Coconut Authority (PCA)-7 nga libre ang pag-apod-apod nila sa ilang coconut hybrid seedlings.
Mao kini ang unod sa gipagawas nila nga advisory niining ulahi lang diin ilang gipahimangnoan ang katawhan nga wala nila kini gibaligya.
“The PCA-produced coconut hybrid seedlings are given for free to smallholder coconut farmers”, tipik sa pamahayag sa maong ahensiya.
Gipahinumdoman nila ang katawhan nga dili angayan tagdon ang mga inbidwal nga mamaligya og seedlings kinsa magpakaaron-ingnon nga taga PCA.
Ang PCA-7 niawhag sa katawhan nga mo-report dayon sa ilang buhatan kong adunay mamaligya og seedlings diha sa ilang lugar.
Nasayran nga dako og natabang sa katawhan ang libre nga seedlings alang sa nagkadaiyang panginabuhian sa mga mag-uuma.
“If you encounter anyone selling PCA-produced coconut seedlings. Please report them to any PCA personnel .Thank you”, ahwag sa PCA. BDB (BANATNEWS)
- Latest
