Violators sa mga protocol ningminus
CEBU, Philippines — Gibanabana nga 3,000 ka mga indibidwal nga nakalapas sa mga protokol ang natala sa Cebu City Police Office (CCPO) sukad sa pagpatuman sa General Community Quarantine (GCQ) sa syudad nga nagpakita og dakong pagkunhod.
Si Police Colonel Josefino Ligan, hepe sa CCPO nagkanayon nga kini pagtandi sa 11,000 nga mga nakalapas sa protokol nga nasikop sa panahon sa Modified Enhance Community Quarantine (MECQ).
Ang executive order nga Oplan Puyo subay sa GCQ gipagawas kaniadtong Septiyembre 8. Base sa obserbasyon sa kapolisan ang mga lugar diin adunay daghan nga nasikop nga protocol violators adunay mubo nga COVID-19 cases.
Sa datos sa mga nasikop subay sa Oplan Bulabog nga gipakita sa CCPO hangtod sa Septiyembre 21, giingon ni Ligan nga adunay pagkunhod sa mga nakalapas sa 11 ka mga estasyon.
Sa panahon sa MECQ nga nagsugod gikan Agosto 1 hangtod Septiyembre 7, ang nakalapas nakaabot sa 11,000 ka mga indibidwal.
Dugang pa niya, bisan kung adunay ubos nga quarantine classification, nagpadayon ang ilang pagpanakop aron magsilbi nga pahimangno sa publiko nga pabilin nga musunod sa executive order.
“Lower quarantine classification means people are going out specially when we intend to shift to MGCQ by the end of this month, so daghan na pud kaayong tawo nga mang-gawas ana,” matod pa ni Ligan.
Dugang pa ni Ligan nga kung ideklarar ang mas ubos nga quarantine restrictions sa katapusan niining bulana, adunay posibilidad nga ang augmentation gikan sa Regional Mobile Force Battalion (RMFB), kuhaon na usab. —MEL (BANATNEWS)
- Latest
