Kampo ni Davide ug Durano naghisgot na alang sa eleksiyon sa 2022
CEBU, Philippines — Giangkon ni Bise Gobernadora Hilario Davide III nga adunay panag-estorya niya ug sa kampo sa mga Durano alang sa umaabot nga eleksiyon sa tuig 2022.
“We have been kuan (talking) but wala pa gyu’y decision”, matud ni Davide.
Gibutyag ni Davide nga gihangyo usab siya nga mahimong running mate ni kanhi tourism secretary Ace Durano kon modesisyon gyud kini pagdagan sa umaabot nga piniliay.
Si Davide wala na mohatag pa og dugang detalye apan matud niya nga magpaabot lang unya kon unsa may ilang anunsiyo sa umaabot.
“Paabota na lang ang announcement ana ha, mo-announce ra mi unya, mo-announce ra unya ko. I’ll just make announcement later paabota lang ang October”, ni Davide pa.
Ang filing sa certificate of candidacy alang sa 2022 national election gikatakda karong Oktubre 1 hangtud 8, 2021
Si Davide nahimo kining two-term governor sa Probinsiya sa Sugbo niadtong tuig 2019, nidagan siya pagka-bise gobernador sa probinsiya kinsa ang iyang running mate si kanhi bise gobernadora Agnes Magpale.
Si Davide kasamtangang miyembro sa Libre Party. BDB (BANATNEWS)
- Latest
