Ex-convict, 10 pushers sikop sa managlahing operasyon

CEBU, Philippines — Nasikop sa buybust operation sa City Intelligence Unit ( CIU CCPO) ang usa ka ex-convict nga nibalik og pamaligya og illegal nga drugas kagahapon sa hapon, Agosto 30,2021 didto sa Sitio Abellana, Barangay Luz, Syudad sa Sugbo.

Ang suspetsado giila nga si Ferdinand Nudalo Sedillo 43, ulitawo residente sa maong lugar og gikonsiderar nga High Value Individual (HVI) Top 2 Drug personality og anaa sa Drug watchlist Regional Level.

Matud pa ni Police Lt. Coronel Randy T. Caballes ang pangu sa CIU nga si Sedillo napriso na kini kaniadto og nakagawas na sa prisohan niadtong Abril 29, 2021.  Apan nakadawat sila og impormasyon nga si Sedillo mibalik og pamaligya sa illegal nga drugas hinungdan ila kining gi monitor sud sa duha ka semana og nasuta nila nga mibalik kini sa illegal nga kalihukan hinungdan nga mipahigayon sila og buybust operation.

Gitug-an ni Sedillo nga tungod sa kawad-on mibalik siya pagpamaligya og illegal nga drugas.

Dugang pa ni Caballes nga gikan sa Cebu City Jail ang contact ni Sedillo nga gihinganlan og Jerome Sosmeña nga anaa nabilanggo sa City Jail.

Atol sa maong operation nakuha gikan kang Sedillo ang nag kadaiyang putos sa gidudahang shabu nga mo timbang og 120 gramos nga mobalor og 816,000 pesos. Ang dinakpan pasakaan og kasong kalapsan sa Sec. 5 Sec.11 Art ll RA 9165 kung pag hupot og pag pamaligya og ginadiling drugas.

Sa lahi nga operasyon nadakpan usab sa kapolisan sa Lungsod sa Cordova ang napulo ka pusher og shabu nga naglakip sa unom ka mga minor.                                        

Si  Police captain Ramil  Dugan ,hepe sa Cordova  Police Station miila sa mga nadakpan nga mao sila si Jade Inting Sanchez, 23  anyos,  nga taga Purok Kumpang, Barangay Bangbang  sa Lungsod sa Cordova,  Rico Autentico Biongco, 43, Nico Antonio Menguito Malinao, 28 nga pulos taga Purok Caimito,  Barangay Cogon sa maong lungsod.                     

Mokabat sa P816, 00 nga kantidad sa gituohang shabu ang nakuha ug unom usab ka paketeng shabu ang nasakmit nila ni Menguito ug Malinao.

Nadakpan usab sa Barangay Ibabao sa Lungsod  sa Cordova ang pusher og shabu nga si Richie Lofrancol Pogoy, 35 anyos ug nasakmit gikan niini ang P816,00 nga shabu ug P500 nga buy bust money. /MEL (BANATNEWS)