Big time drug pusher nakuhaag P6.2 milyones shabu
CEBU, Philippines — Mga drug pushers nga nangapriso na sa Cebu City Jail padayon gihapon sa ilang operasyon gikan sa sulod pinaagi sa ilang mga sakop diha sa gawas nga maoy namaligya og ilegal nga drugas.
Niadtong Miyerkules sa gabii, nasikop sa buybust operation sa Station Drug Enforcement Unit ( SDEU) Mambaling Police Station pinangulohan ni Police Major Dindo Alaras ang usa ka big time drug pusher diha sa Sitio Pagatpat, Barangay Mambaling sa Siyudad sa Sugbo. Ang nadakpan mao si Jeffrey Herbito Galido alyas “ Epoy”,32, nga naapil sa drug watchlist sa rehiyon.
Matud pa ni Alaras base sa nakuha nilang impormasyon makabaligya og tagtulo ka kilong shabu kada buwan ang suspek. Sumala pa ni Alaras idlas dakpon si Galido kay magbalhin-balhin kini’g lugar nga puy-an didto sa probinsya ug sa dakbayan sa Sugbo.
Si Galido gikatahong nitug-an nga usa ka gihinganlan og “Ar-Ar Repuela” nga nabilanggo sa Cebu City Jail tungod sa kasong pagpamilgya og drugas ang iyang agalon.
Nakuha gikan ni Galido ang 920 gramos sa gidudahang shabu atol maong operasyon.— IBM (BANATNEWS)
- Latest
