Talisay City Police giila nga best performing police station
Cebu, Philippines — Giila nga Best Performing City Police Station ang Talisay City Police Station sa tibuok rehiyon-7.
Kini human sa pagpahigayon sa Regionwide Simultaneous Anti -Criminality Law Enforcement Operation/Synchronized Enhanced Managing Police Operations niadtong Hulyo 10 ning tuiga.
Si Police Lt. Col. Gerard Ace Pelare, pangu sa Talisay City Police maoy nidawat sa pasidungog nga gihimo sa Cebu Provincial Police Office (CPPO).
Si Pelare nagpasalamat gumikan sa ilang nadawat nga pasidungog sa ilang nahimo sa pakigbatok sa kriminalidad.
Mapasigarbuhon usab si Mayor Gerald Anthony “Samsam” Gullas sa kapulisan sa siyudad gumikan sa ilang kalamposan.
Matud pa sa mayor nga ang nakab-ot sa kapulisan usa ka pagmatuod kung unsa sila ka seryoso sa pakigbatok sa bisan unsa nga krimen.
Gidayeg usab ni Gullas ang liderato ni Pelare nga nagmalamposon ang kapolisan sa ilang kampanya batok sa kriminalidad sa Talisay. (BANAT NEWS)
- Latest
