SK giawhag nga dasigon ang kabatan-onan nga moparehistro
CEBU, Philippines — Giawhag karon sa konseho sa Dakbayan sa Sugbo ang Sangguniang Kabataan (SK) officials nga motabang sa kampaniya sa pagdasig sa kabatan-onan nga magparehistro aron makabotar sa umaabot nga eleksiyon karong tuig 2022.
Giingong usa kini sa naghatag og koneksyon sa prinsipyo nga kinahanglang manginlabot gyud ang kabatan-onan sa pagpili sa mga tawo nga ibutang sa posisyon .
Nahisgotan usab sa konseho nga labing maayo nga mohimo og virtual campaign alang sa maong tinguha aron malikayan ang mga tapok-tapok.
Nasayran nga kasagaran sa kabatan-onan mga social media user hinungdan nga haom gyud kini sa online voter’s registration campaign.
Ang maong resolusyon nga gipangamahanan ni Konsehal Alvin Dizon ang giaprobahan sa konseho.
Nagkanayon si Dizon nga nagpadayon karon ang pagpangrehistro sa buhatan sa Commission on Elections alang sa gustong makabotar sa sunod nga piniliay.
“It is imperative to encourage our youth to register so they can exercise their right of suffrage as an important civic duty, participate in the democratic process, and have a say in the affairs of their government”, matud ni Dizon. (BANAT NEWS)
- Latest
