Gagmay’ng patigayon sa Talisay giawhag nga magpabakuna
Cebu, Philippines — Nipahigayon og “door to door” nga pag-awhag ang presidente sa Chamber of Commerce sa Dakbayan sa Talisay ngadto sa mga gagmay nga patigayon sa siyudad nga magpabakuna na.
Si Cyril Velasco nituyo sa pagbisita sa gagmay nga patigayon ug nikommbinsir sa mga tag-iya niini sa pagpabakuna na.
Matud ni Velasco nga daghan pa ang nagduha-duha sa pagpabakuna hinungdan nga iyang gipasabot ang mga tag-iya nga sila maoy magsilbing modelo sa ilang mga sakop aron mosunod kini.
Si Velasco nagkanayon nga usa kini ka paagi nga maluwas ang kaugalingon ug mga empleyado sa pagtakod sa COVID-19 lakip na ang ilang mga customer nga moanha sa ilang tindahan.
Ang pagbalik sa ekonomiya mag-agad sa ka paspas sa mga tawo nga makakuha og bakuna batok COVID-19.
Ang Chamber of Commerce sa Talisay motabang kanila aron malista sa Project Balik Buhay (PBB).
“For us business owners, the more people who gets vaccinated, the faster our economy will go back to normal. Everybody safe, everybody happy,” tipik sa post sa page sa Chamber of Commerce sa siyudad. (BANAT NEWS)
- Latest
