Labella, Garcia naapil sa Top 10 sa Job Approval Rating
CEBU, Philippines — Nalakip sa Top 10 si Cebu City Mayor Edgar Labella sa gipahigayon nga survey sa RP-Mission and Development Foundation Inc. alang sa mga mayor sa tibuok nasud nga nalakip sa job approval rating sa mga mayor /per regional center nga dunay 5,000 ka respondents.
Nag una sa maong survey si Davao City Mayor “Inday” Sarah Duterte nga adunay tala nga 93%, gisundan ni Calamba City Mayor Justin Marc Chipeco nga nagtangag og 82%, Calapan City Mayor Arnan Panaligan nga nakakuha og 72%, Cagayan De Oro City Mayor Oscar Moreno nga nakaangkon og 74%, ug Baguio City Mayor Benjamin B. Magalong nga nagtangag og 70%.
Nagsunod usab sila si Iloilo City Mayor Geronimo P. Treñas( 68%), Tacloban City Mayor Alfred Romualdez (67%), Legazpi City Mayor Noel Rosal (64%), Tuguegarao City Mayor Jefferson P. Soriano (62%) ug ang ika-napulo nga puwesto mao si Mayor Labella ( 60%).
Nag- una usab si Cebu City Governor Gwendolyn Garcia sa mga gobernador sa tibuok nasud sa Job Approval rating of Governor/per Regional Center nga naay tala nga 77%.
“I don’t want to take personal credit for it. I’d rather hope that this recognition would in fact recognize Cebu as the top performing province in the country today because we’re doing the best we can. The Cebuanos are such a great people. They have been able to withstand adversities in the past. And, right now, we are showing the country that we are doing it right, here in Cebu,” suma pa ni Garcia atol sa iyang live stream report sa miaging adlaw.
Nasayran nga nagsusi ang RP-Mission and Development Foundation Inc. sa sentimiyento sa mga konstituwente alang sa pagsuta sa maayong performance sa mga local chief executives .
Ang maong local chief executives nakakuha sa nahisgotan nga mga rating base sa sistema nila sa pagtubag sa pandemiya . —IBM (BANATNEWS)
- Latest
