16 ka pasahero nga stranded sa olango naluwas

CEBU, Philippines — Giluwas sa mga personnel sa Disaster Risk Reduction and Management  Office (DRRMO)  sa Dakbayan sa Lapu-Lapu ang 16  ka pasahero sa pump boat nga na-stranded  sa kadagatan sa Sta. Rosa sa Isla sa Olango sa Dakbayan sa Lapu-Lapu niadtong Huwebes sa gabii.                                      

Si Nagiel Bañacia pangulo sa DRRMO sa dakbayan miingon nga ang maong pump boat naggikan sa Pandanon Island sa lalawigan  sa Bohol dihang kalit lang nakasinati og kakulian ang makina alas 2 pasado ang takna sa hapon sa maong adlaw.                         

Matud pa ni Bañacia nga nagsakay sa maong pump boat ang 20 ka pasahero nga naglakip sa usa ka mabdos nga babaye.                               

Human madawat ni Bañacia ang maong taho dali niyang gimandoan ang emergency responders sa Olango sa pag-responde sa nahimutangan sa nagpa-utaw-utaw nga pump boat ug gibalhin ang mga pasahero nga sakay niini og gidala sa headquarters sa Barangay  Tungasan sa Isla sa Olango. MEL (BANATNEWS)