P3 milyones nga kantidad sa scholarship nahatag sa LTO-7 didto sa Bohol
Cebu, Philippines — Ang Land Transportation Office nakapagawas na og 748 Theoretical Driving Course (TDC) sa mga Bol-anon human ang maong ahensiya nitanyag og libreng TDC sa Probinsiya sa Bohol.
Ang LTO-7 Malasakit Outreach pinaagi sa e-Patrol Mobile Services opisyal nga nagsugod mobile TDC sa mga Bol-anon diin moabot sa P3 milllion nga kantidad sa scholarships ang ilang napagawas.
Matod pa ang ahensiya nagsugod sa ilang e-Patrol niadtong May 31 ug wala pa gani usa ka buwan, nihatag na kini og 748 scholars sa ilang enrollees sa Lungosod sa Panglao,Dauis ug Ubay.
“That’s more or less P3-million worth of scholarships that we have given to our enrollees in Bohol. We are also very thankful to the LGUs in Bohol who are very supportive of our e-Patrol”, segun ni LTO-7 Regional Director Victor Emmanuel Caindec.
Sa Lungsod sa Panglao, moabot sa 339 ka graduates ang nakadawat sa libreng TDC, samtang 113 sa Lungsod sa Dauis, ug 296 sa Lungsod sa Ubay.
Sa Hunyo 28 nga datos sa ahensiya, moabot sa 2,130 ka kliyente ang naserbisyohan sa LTO transactions sa kalungsuran sa Panglao, Dauis, ug Ubay sa Bohol.
Sa Lungsod sa Panglao, 773 ka kliyente ang nakapahimulos sa serbisyo pinaagi sa e-Patrol Mobile, 667 ang naserbisyohan sa Lungsod sa Dauis, ug 690 ka kliyente usab ang nakapahimulos sa serbisyo sa LTO sa Lungsod sa Ubay.
Dugang ni Director Caindec nga human sa isla sa Bohol, bisitahon usab sa e-Patrol ang mga probinsiya sa Negros Oriental ug Siquijor. Leonel B. Quillo, CNU Intern/MEL (BANAT NEWS)
- Latest
