Ulo sa kalabira gibilin sa gawas sa balay

CEBU, Philippines — Usa ka ulo sa kalabira nga gisud og shopping bag ang gibilin sa gawas nga bahin sa balay sa usa ka magpapatigayon sa Barangay Pandacan, Lungsod sa Pinamungahan niadtong Domingo sa buntag.

Usa ka Michael Gepitulan, 66, residente sa maong lugar nitaho sa kapulisan human niini nakita ang kalabira sa atubangang bahin sa balay sa igsuong magpapatigayon.

Naghimo karon og imbestigasyon ang kapulisan sa lungsod aron pagila kun kinsa ug unsay motibo sa tawong nagbilin sa maong kalabira atubangan sa balay sa magpapatigayon.

Ang kalabira gipahiluna karon sa publikong sam-ang samtang nagpadayon ang imbestigasyon. —IBM (BANATNEWS)