Lungsod sa Moalboal mangolekta og EUF sa beachgoers
CEBU, Philippines — Gikatakdang sugod karong Hulyo 1, 2021 sugdan na sa Lungsod sa Moalboal ang pagkolekta og P25 nga Environmental User’s Fee (EUF) sa mga indibidwal nga moadto sa beach sa lungsod.
Ang maong bayranan alang kini sa pagpreserba sa coastline ug pagpaayo sa tourism infrastructure sa lugar.
Ang beachgoers kinahanglang moadto una sa Municipal Tourism Office aron mokuha sa pass slip ug mobayad sa P25.
Ang maong pass slip maoy ipakita sa checkpoints padulong sa beach ug ang day use sa beach kutob lang sa alas 5:00 sa hapon. “Please note that only 500 day-use-guests are allowed daily as our carrying capacity, on a first come, first served basis. No online application for pass slip”, tipik sa post diha sa facebook page sa lungsod.
Sa mga guest nga ni-book sa resort o sa bisag asa nga accommodation establishment sa lungsod kinahanglan gihapon nga mo register sa tourism office, mopakita sa booking reservation ug ID, bayad sa environmental fee ug mokuha sa pass slip.
Ang tanang local ug foreign residents sa Moalboal, senior citizens, Person With Disability, adunay confirmed booking sa island hopping ug diving activities ug tanang registered voters sa lungsod exempted kini sa balayranan sa EUF diin magpakita lang sila og ID aron maapil sa exemotion. (BANAT NEWS)
- Latest
