Pag-umol og programa alang sa kababayen-an giduso sa konseho
CEBU, Philippines — Ang Konseho sa Dakbayan sa Sugbo mihangyo sa Office of the Vice Mayor ug sa Sangguniang Panlungsod (SP) Secretariat nga moumol og capacity building ug enhancement program alang sa mga miyembro sa 15th SP ug legislative staff labot sa Gender and Development kun (GAD).
Kini naglakip sa papel sa Local nga Sanggunian pag-umol og nga palisiya og balaud alang sa kaayuhan sa kababayen-an ug aron pagpaila sa ilang katungod ug pag-duso alang sa gender equality.
Si Cebu City Councilor Alvin Dizon nangamahan og resolution kalabot niini nga giaprubahan sa konseho sa siyudad niadtong Miyerkules.
Matod ni Konsehal Dizon isip local legislators, mahimo silang hinungdan o taytayan alang pagpalambo sa katungod sa kababayen-an pinaagi sa pag-umol sa ilang mga palisiya, ug mga pamaagi diha sa Sanggunian.
“A continuing capacity building and enhancement program on Gender and Development will aid us in our law-making function especially in ensuring that all our policies, structures, and processes are carefully seen through a more gender-sensitive and gender responsive lens”, sigon ni Dizon.
Matod pa sa United Nations (UN) dunay walo ka mga dagkung characteristic sa good governance ug kini mao ang participatory, consensus oriented, accountable, transparent, responsive, effective and efficient, equitable and inclusive, ug follows the rule of law.
Ang good local governance nagsubay sa mga balaud nga nag-umol og positibong impact sa kinabuhi sa katawhan ilabi na sa pagdala sa tingog sa marginalized ug pag-address sa tanang klase sa inequality ug discrimination.
Sigon ni Dizon nga makab-ot ang gitawag og participatory, responsive ug inclusive governance kun mahatagan og saktong atensiyon ang gender equality values ug principles ingon man women’s empowerment. MEL (BANATNEWS)
- Latest
