Cuenco nadismaya sa kalangay sa BRT
CEBU, Philippines — Nadismaya si Cebu City Councilor James Cuenco sa kalangan sa implementasyon sa Bus Rapid Transit (BRT) project.
Gipanawagan niya sa Department of Transportation (DOTr) nga unta moklaro sa tinud-anay nga istado sa proyekto.
Napanglantawan ni Cuenco nga hanap gyud ang posibilidad nga matuman sa DOtr ang saad niini nga mahuman na ang first phase niini karong Disyembre 2021.
Sa miaging adlaw, nakigtagbo si Cuenco sa pipila ka mga representante sa DOTr alang sa pagtuki sa mga update niini. “Naa silay giingon nga paningkamutan nila ang target nga December 2021, kaning initial roll-out. The problem is, daghan silag target karong May nga wala pa nahitabo,” matud pa ni Cuenco.
Nasayran nga ang implementation plan niini kasamtangang gitrabaho sa usa ka technical service consultant.
Matud pa niya nga dunay ubang giproseso nga butang nga unta makompleto karong buwana.
“Dugay na kay na, murag decade nana nga gipaabot sa mga tawo” dugang pa ni Cuenco.
Duna matud pay trabahoon ang DOTr nga ubang proseso niini ngadto sa ubang ahensya sa gobyerno nga sama sa National Economic and Development Authority (NEDA) ug Department of Budget and Management (DBM). —MEL (BANATNEWS)
- Latest
