Kapolisan nahinangop sa ilang nadawat nga donasyon

CEBU, Philippines — Gihangop ug gikalipay sa kapulisan ang donasyon sa usa ka telecommunication company alang sa ilang adlaw-adlaw nga komunikasyon.

Ang Globe Telecom nidonar ug 17 ka laptops, 17 ka printers, tents ug mga lamesa, Info Dissemination Text Blast System, simcards, home wifi ug uban pa.

Matud pa ni Police Col Josefino Ligan, City Director sa Cebu City Police Office, gikahinangop nila ang maong mga donasyon ug pinaagi niini mas mapadali na ang pagpadangat nila og kasayuran ngadto sa katawhan.

Samtang si Police Brigadier General Ronnie Montejo, Rehiyonal nga Director sa Police Regional Office 7 sa iyang bahin nitug-an dako ug tabang ang maong partnership ug mapasalamaton siya sa maong telecommunication sa pagpili sa kapulisan alang sa ilang mga donasyon kay dako kini ug tabang. —MEL (BANATNEWS)