Papal Nuncio gipaabot nga motambong sa 500 YOC
CEBU, Philippines — Ang Archdiocese of Cebu padayon nga nagpaabot sa kalamboan kong hingpit ba nga motambong si Papal Nuncio Charles John Brown atol sa Mass and Renewal of Baptismal Promises and Baptism of Children subay sa kasaulogan sa 500 Years of Christianity sa Dakbayan sa Sugbo nga ipahigayon diha sa Plaza Sugbo. Si Archbishop Jose Palma sa Archdiocese of Cebu nibutyag nga hangtud sa adlaw nga Martes padayon gihapon sila nga nag-monitor kong makatambong ba ang Papal Nuncio ilabi na hugot kaayo nga gipatuman ang mga health protocol.
Matud ni Palma nga malaumon sila nga makatambong ang Papal Nuncio sa dakong kalihokan ug niawhag siya sa katawhan nga ilakip kini sa pag-ampo ang presensiya ni Brown.
Gibutyag ni Palma nga aduna nay pipila ka mga obispo ang nianhi sa Sugbo ug andam kining motambong sa kalihokan alang sa kasaulogan sa 500 YOC.
Nasayran nga adunay ubang Obispo ang dili makatambong tungod kay adunay mga kakulian sa ilang lugar nga kinahanglan sa ilang presensiya. BDB (BANATNEWS)
- Latest
