6 ka tawo sikop atol sa gihimong tigbakay
Cebu, Philippines — Unom ka mga tawo ang nadakpan sa kapulisan sa Dakbayan sa Talisay human naaktohan nga nagpahigayon og tigbakay didto sa sitio Pang-Pang, Barangay San Isidro sa miaging adlaw.
Ang mga dinakpan mao sila si Rachel Sinugbahan, 37 anyos; Samuel Villanil, 54 anyos; Luis Uwacan, 78 anyos; Jolito Amantillo, 35 anyos; Douglas Sanchez, 40 anyos ug si Gaudioso Erocido, 41 anyos.
Si Police Lt. Col. Gerard Ace Pelare, pangu sa Talisay City Police Station nagkanayon nga wa sila milurang sa ilang mga operasyon batok sa ilegal nga sugal.
Kini ilabi na nga padayon gihapon ang estado sa kwarantinas nonot sa COVID-19.
Adunay mipahibawo sa kapolisan bahin sa maong illegal nga kalihukan hinungdan nga dali kini nga girespondihan nga miresulta sa pagkasikop sa unom ka mga tawo.
Gitanggong na sa bilangguan ang mga dinakpan ug gikatakdang pasakaan og tukmang kaso. (BANAT NEWS)
- Latest
