Biktima sa pagpamunal wala pa mopasaka og kaso

CEBU, Philippines — Gihimakak sa polis ang pasangil batok kaniya nga giingong gibunalan niya og paddle ang usa ka quarantine violator dihang gipaubos kini sa administrative investigation matud ni Police Lieutenant Colonel Stephen Daang sa Investigative and Detective Management Branch (IDMB).

Matud ni Daang nga ang nahisgutang polis gihatagan kini og higayon nga makatubag kabahin sa gipasakang pasangil batok kaniya.

Ug ang investigation report na-forward na ngadto sa buhatan sa city director sa kapolisan.

Matud usab ni Daang nga ang biktima wala pa gihapon kini makadesisyon kong mopadayon ba kini sa pagpasaka og kasong kriminal batok sa maong polis.

“I think ang biktima right now is in the process, nag-gather na siya uo documentary evidence, for example katong sa medical certificate para sa ilang legal action against sa alleged officer na responsible”, matud ni Daang.

Nasayran nga usa ka netizen ang nag-post diha sa social media nga giingong gibunalan siya og paddle sa usa ka polis sa Carbon Police Station tungod kay wala siya nakabayad sa administrative fine.

Sa habig sa kapolisan, giingong bisan og walay pormal nga criminal complaint pasakaan gihapon nila og kasong administratiba ang responsabling polis.

Nasayran usab nga ang administrative investigation nasumiti na kini ngadto sa Police Regional Office (PRO) -7.

Hangtud  sa oras sa pagsuwat niining balita wala pa makabalik ang biktima diha sa Cebu City Police Office. — BDB (BANATNEWS)