Ceres bus vs v-hire

CEBU, Philippines — Patay ang usa ka van-for-hire driver sa dihang nabangga ang gimaneho niining sakyanan ngadto  sa Ceres Bus nga pasaheroan samtang nagkasugat ang duha diha sa eskina sa E.O. Perez ug M.  Logarta sa  North Reclamation   Area  sa Barangay   Subangdaku sa Dakbayan sa Mandaue alas -5  pasado ang takna sa  Huwebes  sa buntag.

Ang namatay nga driver giila nga si Christopher Dono, 37, taga Sitio Tacan , Barangay Ibo sa Dakbayan sa Lapu-Lapu.  

Samtang ang driver sa Ceres bus nga gikangbangg niini mao si Love Aviles Haluag, 44, taga Soong sa Dakbayan sa Lapu-Lapu.                                         

Sa pasiunang imbestigasyon sa kapolisan sa Mandaue City Police Office (MCPO) gikan pa sa garahian diha sa maong lugar ang bus ug nagsubay kini sa dalan E. O. Perez paingon sa M. Logarta                           

Samtang ang van nadagan usab gikan sa dalan Ouano Avenue paingon sa Dakbayan sa Sugbo.  Si  Edwin Jumao-as, pangulo sa Traffic Enforcement Agency of Mandaue (TEAM) nga kusog nga dagan sa van ug nitipas gamay sa linya hinungdan nga nabangga kini sa tuong bahin sa maong bus .

Gumikan  sa kakusog sa pagbangga  nagusbat ang atubangang bahin sa van lakip na ang drayber niini kinsa gidala unta sa tambalalan apan nakabsan gyud sa kinabuhi.

 Ang driver sa bus mitahan ngadto sa kapolisan  ug gipaabot nga pasakaan og tukmang kaso.— /IBM  (BANATNEWS)