Bagyong Auring gibantayan
CEBU, Philippines — Nagsugod na ang Probinsya sa Sugbo pagpangandam sa bagyong Auring nga gipaabot makaapektar sa amihanang bahin sa lalawigan karong mosunod nga mga adlaw.
Ang Provincial Disaster Risk Reduction and Management Council (PDRRMC) naghimo na og pre-disaster risk assessment sa tinguhang way kinabuhing makalas pag-igo sa bagyo.
Si Neil Sanchez pangulo sa maong buhatan nagkanayon nga sugod karong adlawa ibutang sa blue alert status ang PDRRMO. Nagpasabot kini nga andam na ang ilang mga sakop ug mga ekipo sa pagresponde. Hagit karon mao ang pagsunod sa social distancing diha sa mga evacuation centers hilabina nga anaa pa ang pandemiya sa Covid-19.
Gipahibalo daan ang mga LGUs mangita daan og alternatibong mga evacuation centers aron mabahin og maayo ang mga bakwit kun duna man.
Giawhag niya ang tanan ilabi na kadtong nagpuyo sa “danger zones” pagbantay ug maayong mohiklin una sa mas luwas nga dapit. Sumala sa PAG-ASA posibleng mokusog ug mahimong severe tropical storm si bagyong Auring ug kung di na mausab ang direksyon niini maigo gyud ang amihanang Sugbo. —IBM (BANATNEWS)
- Latest
