Mameke og PCR test results hugtanong gibantayan

CEBU, Philippines — Gimanduan sa Department of Interior Local Government (DILG) ang Philippine National Police nga tinud-on pagdakop kining mameke sa resulta sa Reverse-Transcription-Polymerase Chain Reaction (RT-PCR) test ug ingon man sa ilang mga medical certificates. Kini human adumay nasakpang nameke sa ilang PCR result para makabakasyon sa Boracay. Matud pa ni DILG Officer-in-Charge ug Undersecretary Bernardo Florece, Jr. nga silutan ang mga magbinuang sa pagpameke.

Sa Republic Act (RA) No. 11332 o ang Mandatory Reporting of Notifiable Diseases and Health Events of Public Health Concern Act naglatid sa silot nga P20,000 apan dili molapas sa P50,000 o pagkapriso sa dili moubos sa usa ka bulan apan dili molapas sa unom ka bulan, o pareho nga multa ug pagkabilanggo, sa pagbuot sa korte.

Ang Seksyon 1-b ilawom sa RA 11332 partikular nga nagsulti nga ang “pag-tamper sa mga record nga adunay kalabotan sa test results sa mga sakit apil na ang opisyal nga mga medical results and certificates silotan sa balaod.

Matud usab ni Florece nga kinahanglan magmatngon ang PNP sa pagbantay sa mga entry point sa mga turista ug sa mga palibot niini aron masiguro nga ang mga tawo nagsunod sa mga minimum health measures ug  IATF protocols. Giingon sa DILG OIC nga ang pagbukas sa mga lugar sa turismo dili dapat himuong excuse sa mga turista nga pikion ang mga requirements para lang sa ilang bakasyon.

Giawhag ang tanan nga mosunod sa mga patakaran sa gobiyerno. —IBM (BANATNEWS)