5 nasikop sa managlahing buy-bust operation

Cebu, Philippines — Nasikop sa gipahigayon nga buy-bust operation sa City Intelligence Unit (CIU CCPO) ang usa ka kargador sa Carbon ,Martes sa kadlawon didto sa  Dalan Panganiban, Barangay Pahina Central Siyudad sa Sugbo.

Si Police Major Randy Caballes ang nangu sa operasyon miila sa suspek nga si Angelo Torrecampo Jumao-as, 37 anyos, kanhi kargador sa Carbon Public Market og residente sa maong dapit.

Usa ka simana nga gimonitor ang kalihokan ni Jumao-as og makabaligya kini og 100 ngadto 200 gramos matag simana og sagad sa iyang mga parokyano mga kargador sa Carbon.

Suma pa ni Caballes nga si Jumao-as niundang na sa pagka kargador ug nahimong supplier og shabu ug gikan sa City Jail ang kontak niini nga maoy gikuhaan niya og supply sa drugas.

nakuha gikan ni Jumao-as ang 80 gramos sa gidudahang shabu nga mo balor og P544,000

Samtang duha ka lalaki ang nasikop sa operasyon sa Regional Drug Enforcement Unit-7 diha sa may sitio Cogon, Barangay Labangon, Dakbayan sa Sugbo.

Ang mga nasikop naila nga sila si Jack Gemal, 18anyos, construction worker, Manuel Amoroso III, 33anyos, tindero ug barbeque, puros residente sa maong lugar.

Nasakmit gikan kanila ang mga pinutos sa ginadili nga drugas nga motimbang ug 200gramos nga mobalor ug P1.3 milyones, ug buy bust money.

Samtang duha usab ka pusher ang nasikop sa presento 2 sa kapolisan sa Lapu-lapu didto sa Barangay Mactan niadtong miaging gabii.

Ang mga dinakpan naila nga sila si Junrey  Aton, 35 anyos ug Alfredo Silawan Jr., 36   anyos nga pulos nagpuyo sa Sitio Soong, Barangay Mactan. Nakuha gikan sa mga suspek mao ang mokabat sa 60 ka gramos sa gituhuang shabu. — Rowena D. Capistrano, Romeo T. Limpangog