Kabomberohan sa Talisay gihatagan og pasidungog
Cebu, Philippines — Gipasidunggan ang mga kawani sa Talisay City Fire sa ilang labaw niadtong adlaw nga Biyernes.
Si Sr. Insp. Arnel Abella maoy nangulo sa pag-ila sa 23 niya ka mga sakop nga nibubo sa ilang panahon sa pagpakgang sa sunog sa Dakbayan.
Matud pa ni Abella nga menos ang alarma sa sunog nga ilang nadawat sa Talisay karong tuiga.
Apan siya nipasabot nga dili gihapon sila angay nga mokumpyansa tungod kay dili matag-an ang mga panghitabo.
Ang maong pasidungog gihimo aron mas ma-agni ang tanan nila nga kawani nga palambuon pa ang ilang pagpanerbisyo sa publiko.
Si Mayor Gerald Anthony “Samsam” Gullas Jr. niila sab sa ilang dako nga natampo sa natad sa mga sunog o prevention sa sunog.
Gani gilakip sa mayor ang tabang sa kabomberohan sa pakigbatok sa covid-19 nga giatubang sa tanan.
Bisan og walay alarma o sunog nga girespondehan nagtuyok-tuyok ang sakyanan sa bombero aron sa pagsabwag sa pahinumdom sa katawhan unsaon paglikay sa sunog ingon man paglikay sa makamatay nga virus. (BANAT NEWS)
- Latest
