Bag-ong hepe sa PRO-7 nakigtagbo kang Mayor Chan
CEBU, Philippines — Bag-ong Rehiyonal nga Director sa Police Regional Office 7 Police Brigadier General Ronnie Montejo, nihimo ug courtesy call ngadto kang Lapu-lapu City Mayor Junard “Ahong” Chan niadtong Lunes sa hapon.
Ang bag-ong rehiyonal nga director mao kanhi hepe sa Quezon City Police District sa wala pa kini mohulip kang Police Brigadier General Albert Ignatius Ferro.
Si Mayor Chan nalipay sa pagbisita sa bag-ong rehiyonal nga director ilabi na nga usa kini ka oponganon.
Atol sa pagbisita ni Montejo, gituki nila ang mga kalihukan sa umabot nga 500 years sa kristyanismo sunod tuig ug lakip ang pagpahigayon sa Battle of Mactan.
Sumala pa sa Mayor, tinguha nila nga mohimo ug re-enactment sa Battle of Mactan, apan ang mga moapil kinahanglan mopaubos sa quarantine aron sa pagsiguro nga luwas sila sa covid-19.
Dugang pa ni Chan nga ang re-enactment ipakita live pinaagi sa social media aron makasunod ang katawhan.
Samtang si Montejo nipadangat usab sa iyang suporta sa plano sa mayor.
Gituki usab nila ni Montejo ug Chan ang mga lakang sa siyudad alang sa pagpatuman sa mga pamaagi batuk sa covid-19 panahon sa misa de gallo ug uban pa. —MEL (BANATNEWS)
- Latest
