Gibahaam sa Danao giapura’g hinabang
CEBU, Philippines — Dul-an 200 ka pamilya nga nagpuyo sa barangay Maslog, Danao City ang nabiktima sa baha tungod sa sunod-sunod nga pag-uwan sa niaging adlaw.
Si Rep. Vincent “Duke” Frasco kinsa nagselebrar sa iyang adlawng natawhan niadtong Oktubre 27 agi og pagsaulog niini nangapod og hinabang sa mga pamilya nga tag P5 mil sa 167 ka pamilya.
Ang mga benepisaryo mao kadtong nawagtangan sa ilang kabtangan ug nangaguba ang panimalay tungod sa baha.
“Dili lalim ang ilang naagian. Ang kahadlok ug kahingawa sa ilang kinabuhi ug kabtangan, ang pagkaguba sa ilang gipuy-an, dili sayon.
Mao nga I chose to spend my birthday with them aron pagpakita ug suporta ug paghatag ug hinabang,” matud pa ni Frasco.
Mapasalamaton ang mga biktima sa baha sa ilang pagdawat sa cash assistance, kay kini daku na kaayong tabang sa ilang pagbangon.
Sa laing bahin, gisubhan usab ni Frasco sa miaging mga adlaw ang bag-ong sementado nga dalan sa Barangay Dunggoan, Danao City nga nibalor og P13 milyones. Ang budget sa maong proyekto nalakip sa 2020 national budget ug gi-implementar sa Department of Public Works and Highways. IBM (BANATNEWS)
- Latest
