DTI: Dunay marka nga PS ug ICC ang paliton nga Christmas lights
CEBU, Philippines — Mga dayan-dayan sa pasko lakip na niini ang mga Christmas light ang nagbaha na karon diha sa mga tindahan.
Ang Department of Trade and Industry (DTI) nipahimangno sa publiko nga susihon sa dili pa mopalit og nga Christmas light paglikay sa disgrasya o sunog.
Matud ni Ines Cajegas, hepe sa Consumer Protection Division sa DTI-7 nga sa unang bahin sa buwan sa Nobiyembre magsugod na usab sila sa ilang mga surpresang inspeksiyon sa mga tindahan aron sutaon ang mga baligya niini kon dili ba kini mga substandard.
Nsayran nga sa niaging tuig siyam ka establisamento sa Metro Cebu ang naimbargohan sa DTI og mga substandard nga Christmas light.
Si Cajegas niawhag sa mga mopalit og Christmas lights nga tan-awon ang label niini diin ang adunay marka nga Philippine Standard (PS) ug International Code Council (ICC) nga marka ang ilang paliton.
Aduna usab kini ICC verification system diin mahimo nila nga ma-scan ang mga code nga gidikit sa sudlanan sa Christmas lights.
Ang mga substandard sa Christmas light delikado kini sa sunog.
“Dili nato basehan ang presyo kinahanglan mo base ta sa quality sa product”, dugang ni Cajegas. /BDB (BANATNEWS)
- Latest
