Malasakit on Wheel sa LTO naa sa Naga

CEBU, Philippines — Tungod sa tinguha sa Land Transportation Office 7 nga dalhon ang serbisyo ngadto sa katawhan ang maong ahensya nilusad sa Serbisyong Malasakit on Wheels, adlaw nga Biyernes sa Dakbayan sa Naga.

Ang serbisyo naglangkob sa Drivers Education Center, pagkuha og student permit, renewal sa driver’s license, renewal sa motor vehicle registration ug printing sa drivers license card maoy available sa LTO-7 Roll-out Serbisyong Malasakit on Wheel sa probinsya sa Sugbo. Ang LTO-7 nakig-alayon sa kagamhanan sa Dakbayan sa Naga sa maong proyekto aron ang maong one-stop-shop ma avail sa katawhan ilabi na kadtong anaa nanimuyo sa lagyo nga lugar

Ang ahensya nagsugod sa tulo ka adlaw nga Mobile DEC niadtong Oktubre 14 diin 40 ka mga Nagahanon ang ni avail aron makakuha og student permit.

Ang LTO-7 nakig-alayon na usab karon sa ubang Local Government Unit aron madala usab kining maong mga serbisyo.

Matud pa ni LTO-7 Regional Director Emmanuel Caindec ang nominees sa LGU mahatagan ug kahigayonan nga maka enroll ubos sa Mobile DEC. Ang mga bulahan nga individual pilion sa LGU pinaagi sa ilang kahimtang nga dili maka afford sa private driving school apan angayan.