Nakalapas sa jaywalking midaghan

CEBU, Philippines — Samtang hinay-hinay na ang pag-pangabli sa mga establisamento, nagbaha na usab ang mga tawo, sama sa pagbaha sa violators sa jaywalking.

Sukad niadtong Septiyembre, dul-an na sa 6,000 ka mga indibidwal ang nakasupak niini.

Suma pa  sa tigpamaba sa  Cebu City Transportation  Office  (CCTO) nga si John Paul Amores nga dunay mga higayon nga mokabat sa 300 ka violators  sa jaywalking ang madakpan sa usa lang ka adlaw.

Ang indibidwal nga masakpan nga nagpataka og labang sa karsada makamulta og P50.

Nipahimangno ang CCTO sa publiko nga motuman gyud sa balaod sa trapiko aron dili makahatag og problema sa kadalanan.  Samtang sa laing bahin, subsob karon ang kampanya sa CCTO batok sa mga sakyanan nga bisan asa lang gi-parking. Mao kini ang rason nga nagsagunson usab ang ilang surpresa nga mga operasyon diin dunay higayon nga 10 ka barangay ang ilang maaksyonan sa usa lang ka gabii. Sanden J. Anadia/MEL

Consolacion mipatuman og skedyul sa mobisita sa sam-ang

Adunay regulasyon ang lungsod sa Consolacion sa tanang moadto sa pampubliko nga sam-ang sa lungsod.  Usa ka executive order ang giluwatan ni Consolacion Mayor Joannes Alegado nga naglatid sa mga protocols nga angay tumanon sa pag-adto sa mga sementeryo.

Subay niini 30% ra sa kapasidad sa sementeryo, memorial parks ug columbarium ang makasulod ug ang tanan kinahanglan mopresentar sa ilang quarantine pass, magsul-ob og face mask ug face shield ug mopatuman usab og one way traffic scheme o “One-way Exit ug Entrance”.

Samtang ubos sa maong EO dili gihapon tugtan nga makasulod sa sam-ang ang mga na-edad og ubos sa 21 anyos ug ang mga nag-edad og 65 anyos pataas samtang ang curfew mag sugod alas 9 sa gabii hangtod sa alas 5 sa buntag.  Adunay barangay schedule nga gihan-ay alang sa mga mobisita sa mga sam-ang, sugod Oktubre 15, mao ang taga Lanipga, Panas, October 16- Panoypoy, Tihaong; October 17- Cabangahan, Sacsac; 18-Garing; 19- Polog; 20-Tolotolo; 21 -Danglag; 22-Jugan; 23-Lamac 24-Pitogo; 25-Cansaga; 26-Casili; 27-Poblacion Occidental; 28-Poblacion Oriental

Sa Nobyembre 5-Nangka; 6 -Pulpogan; 7-Tayud ug November 8-Tugbongan. /MEL (BANATNEWS)