Lalaki nakuhaan og P1 milyong shabu

Cebu, Philippines — Nagtingkagol karon sa prisohan ang 31-anyos nga lalaki human kini nasikop atol sa gipahigayon nga buy bust operation sa mga tinguyanan sa Pardo Police Station  diha sa may Sitio Ubos Pundok, Barangay Basak Pardo ning Dakbayan sa Sugbo niadtong Biyernes sa gabii.

Ang nasikop mao si Epifanio Rama, alyas, Panyong, usa ka high value individual regional level nga nagpuyo sa Sitio Lawis, Alaska, Barangay Mambaling ning dakbayan.

Nasakmit gikan sa dinakpan ang mga pinutos sa ginadili nga drugas nga motimbang og 155 gramos nga mobalor og P1,054,000.00 base sa Dangerous Drug Board Value, ug buybust money.

Sa laing bahin, duha ka lalaki ang nadakpan sa buybust operationdiha  Proper 2  sa Barangay Dakit sa maong dakbayan alas-7 pasado ang takna sa miaging Biyernes sa gabii.

Giila ni Pino ang ilang nadakpan nga tricycle driver nga mao si Christian Ortega, 33, ug Dolpino Gomez Jr., 31.-  Romeo Limpangog (BANAT NEWS)